Tan kè nou vivan, Kalité MC feat FabZ_I & Maqflah

Kalité MC, Fab_Z épi Maqflah, 3 vwa a rap, sanblé pou lagé pawòl anlè on pwodiksyon a Lee P. Tit a mòso lasa sé Tan kè nou vivan. Sé on son ipòp avè on zing a boulagèl é on zing a tanbou a mas ka fè i byen sinyé Gwadloup. Chak jou sé tan pou chèché ay toujou pli douvan, mi sé sa sé 3 awtis lasa ka vin fè nou sonjé. An tradisyon a ipòp, yo ka bay tèks pou palé ba konsyans. Tan kè nou vivan sé on son pou pran tan kouté, on son pou dansé, on son pou pran plézi tann bèlté a lang an nou.