Poézi a Willy Fordant

Willy Fordant sé on makè a poézi Gwadloup. On sèl chimen, Léloum, Kaskòd épi Black queen Black king sé non a 4 liv i ja maké. Adan yo, an lang fransé kon an lang a lilèt a’y, i ka sèvi é mo pou fè kalkilé anlè mannyè i ka konswa lavi. Apoulòsdonk, jan sosyété Gwadloup ka woulé, éritaj kiltirèl, lidantité, lanmou, vansé a konsyans é a pèp, an kè a tèks i ja mèt dèwò.

Willy Fordant pa on awtis ki ka fè brui, mé i pa pè di vérité a’y. Pawòl a’y ka alé-viré ant Gwadloup, Lafrans, Lafrik é an bout, nou tini on poézi ki pa on sanblé a mo maké pou fè bèbèl é plen zyé, mé ki byen la pou mèt dèwò lidé é sa ki an kè a on nonm karibéyen a jòdijou. Asiré-sèten, jenn kon vyé pé rantré alèz adan poézi a misyé Fordant é trapé bon dèkwa pou kabéché avè chak tèks a’y.

Suiv Willy Fordant anlè : Facebook