No filter channel

Anlè Youtube kon anlè Instagram, No filter ka bay vwè dokimantè é bokantaj a pawòl an kréyòl, an anglé é an fransé anlè diféran sijé. Avè chak vidéyo, Hugline Jérôme é ékip a’y ka nòz mèt dèwò nannan pou vwè pli lwen ki anlè pwoblèm a sosyété, ki anlè ispiritiyalité, ki anlè lasanté é enpé dòt biten ankò. Chak lè, sé pòt ki ka wouvè pou pèwmèt moun konstwi yo pozitivman kisiswa pozisyon yo pé ni anlè sé tèm la. Pou-tout-bon, adan No filter, moun ka palé san chèché toufé vérité a yo. Pli-souvan-ki-rarman, adan téritwa karibéyen, sa sa pa’a toujou fèt fasil. Kifè, yo ka ofè la pawòl ki ka vin longan pou pèp.