Mofwazaj live, Yich Matinik

Asiré-pa-pétèt kilti, lang, idantité, mannyè sosyété ka va sé sijé ki pé pa ni bout. Menm lè ni téori pozé, yo pa’a fè kalkil payé. Okontrè, yo ka bay nannan anplis pou kabéché, konprann an dòt sans é wouvè zyé anlè nouvo réyalité menm lè nou pa’a dakò épi yo. Kidonk, avè vansé a sosyété antoutjan ka ni lidé ka choké é sa ka pèwmèt rivé pli lwen. Sé sa ki ka fè bokantaj a pawòl fondal.

Sa ka byen sanm sa sé on biten Yich Matinik ka konsidéré osi davwa anlè chenn Youtube a’y avè Mofwazaj live i ka fè èspésyalis palé anlè sé diféran tèm lasa. Pou chak vidéyo, yo ka plizyè ka dévlopé lidé a yo. Sa ka ba pawòl la on bèl richès kon nou pé tann diféran mannyè konswa on menm kèsyon. É nou pé dékouvè pozisyon a èspésyalis a jòdijou ki pa ka toujou an sans a sa nou ka tann tann tann ankò é ankò adan médya pli-souvan-ki-rarman. Anfinaldikont, nou tini la nouvo limyè pou kléré plis asi sa ki ka fè nou é sa ki ka fè sosyété an nou.

Dékouvè sé vidéyo la : Mofwazaj live