Lukuber Séjor : ispiritiyalité é tanbou pou fè douvan

Misyé Likibè Séjor mété dèwò sé jou lasa on liv tit a’y sé Démounaj. Article 2 du Code Noir, nœud de la colonisation culturelle en Guadeloupe. Sé on liv adan kilès i ka palé asi sityasyon a pèp Gwadloup é jan i pé libéré’y. Pou li, sa ki pou douvan sé ispiritiyalité. É, sé on ispiritiyalité ki pou chouké adan tradisyon la, pi èspésyalman tanbou. An 1992, i té sòti De la diversité des formes … kakikatéshisaka ? é i té ja konmansé palé asi sé zafè lasa. Alè, i ka wouvin avè plis dosyé ankò. Nou kontré avè Likibè Séjor pou i èspliké nou lidé i ka dévlopé.

Tit a dènyé liv a’w sé Démounaj. Article 2 du code noir, nœud de la colonisation culturelle en Guadeloupe. Ka ou vlé mété dèwò avè liv lasa ?

Ni lontan, a pa jòdi ni yè, Likibè ka di nou démouné. Lontan, an té ka chèché ki jan pou palé dè aliénation, dè colonisation é tou sé biten lasa, enben sé mo lasa ki sòti. Kon yo ka di, démounaj sé on mo an lang kréyòl Gwadloupéyen « créé par Lukuber Séjor pour désigner le concept de déshumanisation et l’aliénation subis par les Africains déportés devenus esclaves dans le nouveau monde. » Dépi 1993 avè Vwa pou louwé ka, nou té ka palé dè démounaj la tou tan adan tou prèstasyon an nou. Kontrè a « démounaj » ka touvé’y sé « rèmounaj ». « Rèmounaj » c’est l’action de se défabriquer pour se reconstruire afin de retrouver son humanité. Un outil du « rèmounaj » est la pratique du tambour en marronage spirituel.  « Rèmounaj » se traduit en français par décolonisation culturelle. É sé pou sa nou té ni on sérémoni, dènyé sérémoni nou fè, sé té a Pètikanal é non a’y sé té Désatannaj, otodafaj, rèmounaj. Désatannaj pas sa yo té di nou ki té satan la enben jistèman nou démontré a pa sa ki satan. Yo té di nou satan sé po an nou ki nwè, satan sé chivé an nou ki grenné, satan sé lèv an nou ki épé, satan sé tout tanbou la nou ka jwé la, satan sé tout sa nou té ka fè la pou pran fòs la. Dayè, tout sé sérémoni la andidan a liv la.

É ou pé pa osi ka rèfizé on biten si ou pa’a pwopozé ayen. Vwala poukwa nou ka di kon sa dépi nanninannan anlè plato a balans la té ni on sèl liv sé té Le Code noir enben avè liv lasa nou ka pwopozé Un Code du vivre libre en colonie. É nou ka prézanté osi on chapit ki enpòwtan : Libre de choisir son esclavage pas pòt an nou ouvè. Ni sèten fanm yo ka désidé fò yo achté chivé, fò yo mété chivé ka pann anlè fès a yo. Mé ou pé pa di yo pa mété’y piskè yo, yo ka santi yo byen kon sa. Pou vou sé on èsklavaj. Mé yo, yo ka santi sé sa ki bon ba yo. Alò nou ka di fò ba yo tan. Fò ba yo tan konprann chivé sé chivé pa ni chivé pi chivé ki chivé, po sé po pa ni po ki pi po ki po. Mais aussi en matière de spiritualité, il ne suffit de dire que nous refusons la religion catholique, apostolique et romaine qui nous a été imposée à coups de fouet. L’humain a besoin de spiritualité. Voilà pourquoi nous proposons le Kayoga. C’est le yoga de l’action désintéressée, c’est le Mantrayoga basé sur le son du nom des rythmes de gwoka qui ont permis aux Nègres Marrons de briser les chaînes visibles de l’esclavage. Et aujourd’hui, nous utilisons le Kayoga, le Mantrayoga pour briser les chaînes invisibles de l’esclavage. Enben sé sé zouti lasa nou ka sèvi avè’y pou nou briser les chaînes invisibles de l’esclavage moderne, pou nou dékonstwi nou, défabriké nou é pou nou konstwi nou avè zouti an nou menm.

É ou pé pa osi ka rèfizé on biten si ou pa’a pwopozé ayen.

Pouki sa ni on sans ba’w jòdijou woupalé asi awtik 2 a Code noir la ? Ès pou’w nou adan sa toujou ?

A  wi ! Nou adan menm menm menm menm menm ! Mwenm menm an lévé adan on fanmi katolik. A pa fòt an mwen, a pa fòt a yo. An té klèjé, an té fyè fyè fyè. An té kontan an té klèjé. Tèlman an té kontan an té klèjé, an té kontan an té ka résité priyè an laten san konprann sa an té ka di. An té ka jous touvé mwen pi avansé ki ti klèjé ki pò’ò té konnèt priyè la an laten. Men an moman lasa nou pò té kò ni zouti ki té ka pèwmèt nou réfléchi asi kimoun nou yé. Sé poukwa dayè adan Le Lukubérisme, i ka di’w :

Fò ou konnèt la ou sòti pou konprann ola ou yé.

Fò ou konprann ola ou yé pou savé ola ou k’alé.

Fò ou plen avan ou débòdé.

Fò ou konnèt, mé alè lè rivé pou nou chèché konnèt. É ou pé pa ka rèfizé on biten si ou pa’a pwopozé ayen. Sa nou ka di avan bato négriyé la té rivé an Afrik, Afriken té ja ka palé ba Bondyé piskè sé prèmyé moun Bondyé kréyé si latè. É yo té ja ni rit a yo, rityèl a yo. Pa ni rityèl ki sòti an syèl, pa ni rèlijyon ki sòti an syèl sé nonm ki kréyé tou sa. Et toutes les religions soi-disant dites révélées enben sé rèlijyon yo kopyé asi sa Afriken té ja fè. É nou k’ay pli lwen, nou ka di vrèman il n’y a pas de fils unique. Bondyé two gran pou i ni on sèl timoun. Vyé Likibè ka palé ba’w la, gay tann timoun an tini. Kon la française des jeux ka di’w, si ou pa’a jwé ou pé’é jen gannyé. Pou enpozé rèlijyon a yo, fò yo di’w Jesus Christ c’est le fils unique. Mé Jézi rivé ta menm. Il existe des Écritures qui étaient là bien avant l’apparition de la Bible.

« Rèmounaj » c’est l’action de se défabriquer pour se reconstruire afin de retrouver son humanité.

Ou ka di ou pé pa dénonsé on biten san vin pwopozé on biten dèyè do a’y. Ès ou pé dévlopé tibwen plis asi sa ou ka pwopozé ?

Wi, sa enpòwtan. Yo té lagé chaplé an men an nou. Mais il n’y a pas de méditation sans support. Yo té mété on chaplé ki ni dizèn mé chaplé la ou ka vwè an men an mwen la non a’y sé Kamala. Tou sa adan liv la. Kamala sé on mo Sanskri. Mala sé pou di chaplé mé kòm nou mété Ka douvan a’y, i ka ba’w Kamala la. Li, i bazé sur des 7 et en plus c’est un mouvement perpétuel. Ou ka di’y é ou ka gadé’w an mitan zyé an glas jiskatan pou rantré adan’w menm pou jou pè vwè’w. Mé ou ka gadé’w, ou ka résité manntra a’w sé pou rézisté. Sé kon on spòwtif, fò nou paré lèspri an nou pas sosyété dè konsomasyon lasa, i ka pijé’w pijé’w pou rann vou tèbè. Lè ou konprann ou doubout mé i kankit fè’w ray madanm a’w. I ka fè madanm a’w ray vou, i ka fè pitit a’w ray vou. Avè tou zafè a anivèsè, sen valanten é tou sa. Mais ce sont des hommes qui ont créé toutes ces choses-là. Mé kon an toujou di, madanm an mwen ka fè mas. Lè mwen ay èché fèy a bannann ba’y, gyèp mòdé mwen, an monté lenj a mas a’y ba’y. Mé sé je t’aime. Men yo ka fè’w konprann, fò ou gadé madanm la an blan-dé-zyé pou di’y je t’aime mé je t’aime c’est du Santa Barbara. Mais il y a la pratique du je t’aime. C’est ce qui compte. On bon komédyen ki ni senk fanm, i ka di senk fanm la « je t’aime ». I ka di yo chak sèt « je t’aime » chak jou. Ce sont des formules et nous, nous réfutons toutes ces choses-là. Maintenant, il appartient à tous ceux conscients de cette réalité de se défabriquer pour se construire avec des outils qu’ils auront eux-mêmes choisis. Le temps est venu pour nous de proposer une méthode de purification et de libération de l’esprit pour tous ceux qui souhaitent guérir et mourir libres. C’est une libération de l’esprit sans fusil comme dit François Ladrezeau. Sé on révolisyon san fizi pou nou doubout si dé pyé an nou. Menm si ou ni on pèp ka maché an lari la kon an 2009 mé si lèspri a’w pò’ò endépandan ou pa adan sa. Si lèwvwè nwèl rivé ou ja nwélé, lè pannkòt rivé ou ja pannkoté, lèwvwè sen valanten rivé ou ja sen valanntiné, lè 31 désanm rivé ou ja 31 désanbé, ou pri ! Sa sé fèt ki fèt pou pété tèt a kou-d-dèt asi almannak a mèt ! Fò ou fété fèt a’w ki ta’w. Fò ou prévwa a fèt a’w ki ta’w.

Le temps est venu pour nous de proposer une méthode de purification et de libération de l’esprit pour tous ceux qui souhaitent guérir et mourir libres. C’est une libération de l’esprit sans fusil comme dit François Ladrezeau.

Kidonk, ispiritiyalité la sé sèl vré solisyon a libérasyon la dapré’w ?

An tout jan. Imajiné’w chak biten ka fèt jan i fèt. Lè nou ké ni mil moun, senk mil moun an lari la ka maché ka résité manntra la, ou ké vwè si yo pé’é ban nou lè pou nou pasé. É lè yo ké vwè yo komandé 500 kontènè èvè ni yenki 100 ki vann é 400 ka rètouné enben mi vwala, sé la pou nou rivé. Nou pa bouzen goumé é ponmoun, nou pa bouzen pòté fizi pas yo ni pi fizi ki nou. Notre pouvoir de consommateur, i pi pisan ki labonm atomik. Siwvwè ou vwè nou sèvi avè’y, nou ka fè yo vwè tout biten ka rètouné.

Ola nou pé touvé liv la ?

Ou ké touvé’y an biwo an mwen Lari pyétòn Lapwent lé sanmdi 7è-d-maten a inè-d-laprémidi. Ou ké touvé’y adan on libréri a Sentann yo ka kriyé Épithète. É an atandan i ké distribiyé dòt koté osi.