Lèspwi Savann

Pou on gadé diféran asi listwa é réyalité a sosyété an nou, Lèspwi Savann ka fè on magazin an lign dépi 2001. Avè imaj, on bèl travay grafik, bèl itilizasyon a lang Gwadloup é maké ki fèt pou moun konprann alèz, makè a magazin lasa ka chèché wouvè konsyans kon yo menm ka mèt douvan. Moun pé dékouvè magazin lasa anlè Issuu : https://issuu.com/lespwisavann. Antoutjan, pou tou lésèz ki enmé konésans é pran sans a sa nou pé kréyé pou vansé an kabèch, é an plis avè lang an nou, Lèspwi Savann sé on bon zouti jenn kon gran pé pran plézi li. Sé osi on bon kréyasyon pou èspésyalis a lang la ki bizwen nannan pou woulé an travay a yo. Anvérité, lidé ki adan pa oblijé ta tout moun, mé on kréyasyon kon tala an lang Gwadloup li menm a’y ja ni anpil valè é ka bay anvi ay pli lwen é sav plis sa ki adan san rété mélé enki adan sa ki di o pa di.