Lang kréyòl-Gwadloup an tribinal

ÈS KRÉYÒL-GWADLOUP A PA TÉ KÉ ON LANG-LAFWANS ?

Nou vin apwann on nouvèl i lésé-nou èstébékwè. Dapré sa sé nouvélis-la ka di, pannan pwosé a on sendikalis, lajistis té ké dérifizé asèpté rézònman a akizé-la, poudavwa i té ka bay lèsplikasyon a-y an lang kréyòl-Gwadloup.

Lang Kréyòl-Gwadloup, sé lang matrisyèl a près toutmoun Gwadloup, sé lang yo ka sèvi touléjou. Adan tou sa yo ka fè an vi a-yo, adan tout péripési a Listwa, sé lang-lasa i toujou rédé-yo kenbé.

Lédikasyon nasyonnal ni plizyè lègzanmen é konkou ka montré lang kréyòl-Gwadloup ni on plas adan sosyété-la : Dépi 2001, tini on Sètifika, CAPES, èspésyal, ka bay lotorizasyon ansennyé é apwann Kréyòl adan Lékòl-la. Anplis, dépi dé lanné, on « konkou-agrégasyon lang-Lafwans » wouvè on òpsyon kréyòl, é adan Akadémi Gwadloup tini dé profésè agréjé-kréyòl. Tou sa pou di, tribinal Lajistis an Gwadloup té pou andwa konsidéré sitiyasyon-lasa, adan défans a akizé-la.

Sonjé, awtik 75-1, 2008, adan Konstitisyon a Lafwans, ka di : « tout sé lang réjyonnal-la sé patrimwàn Lafwans ». Sonjé osi, lè Kongré-la voté modifikasyon a Konstitisyon-la, an 1992, Minis-lajistis, Garde des Sceaux, èspliké sé sénatè-la é sé dépité-la, awtik 2 a Konsititisyon-la ka di « Lang fwansé sé lang a Larépiblik fwansé », men a pa pou opozé sé lang réjyonnal-la pwan tout plas a-yo adan sèvis-ladministrasyon a péyi-la. Kivédi, sa té pou an tout nòwmalité, lésé moun ka palé Kréyòl é Fwansé, douvan Lajistis, bay lèsplikasyon yo ni pou bay, adan lang-la yo plis alèz la.

Noutout plis ki sav, adan lanviwonnaj sosyal-la, sé an lang kréyòl on gran kantité moun ka èsprimé santiman a-yo é tout émosyònman yo ka viv. Anplis, a pa pou di Tribinal pa ni moun-èspésyal pou tradui an Fwansé sa yo ka tann an Kréyòl, yo ni sé moun-lasa, alòkifè nou oblijé di sa pa Lajistis, oben Lajistis pa annaks èvè lanviwonnaj a-y.

Nou oblijé pèwsisté lè nou ka vwè, pannan dènyé « Etats Généraux des Langues de France », EGEM, (OM) fèt Laréyinyon ant 25 et 28 òktòb 2021, près latotalité a sé moun a sé délégasyon-la mandé pou toujou ni èspésyalis tradiksyon lang réjyonal, pou toutmoun douvan Lajistis ké asiré yo kay pé di sa yo ni pou di adan lang-la yo ka palé la, é sé jij-la ké pé tann é konpwann. Sé jistikont obligasyon-lasa yo voté anfinal-dikont. Kifè, douvan lenjistis-la nou ka apwann jòdi-la, nou ka mandé ès nou ka déviré an macharyè adan sé lanné-la, avan 2001, ola moun té anba lòpsyon a lésèz ki té ka kondanné-yo, poudavwa yo té sèvi èvè lang kréyòl adan lékòl-la ?

CRÉOLE, LANGUE DE FRANCE ?

Nous avons appris avec stupeur dans les médias, que lors du procès d’un responsable syndical, certains des arguments qu’il a développés n’auraient pas été pris en compte pour sa défense, parce qu’ils ont été énoncés en créole. Le créole est la langue maternelle et usuelle des Guadeloupéens, la langue qu’ils ont toujours parlée et qui les a accompagnés dans l’histoire. Plusieurs concours de l’Education Nationale lui reconnaissent sa valeur et sa place dans notre société, et ce depuis 2001, avec le CAPES de créole et le concours spécifique créole. Par ailleurs, il existe une Agrégation des langues de France, avec depuis deux ans, une option créole, dénommée Agrégation de Créole. En Guadeloupe, il y a même deux agrégés de Créole, exerçant en lycée et plus généralement dans l’Académie. Le tribunal de la Guadeloupe devrait tenir compte de la valeur et de la place du créole, quelle que soit la circonstance. Rappelons, d’une part, que l’article 75-1 de la constitution, votée en 2008, précise que « les langues régionales appartiennent au patrimoine de la France. ». D’autre part, lors du vote en 1992 sur l’ajout dans l’article 2 de la Constitution du principe selon lequel « la langue de la République est le français », le Garde des sceaux a certifié aux députés et sénateurs que cette précision ne nuirait aucunement aux langues régionales. Ce qui est normal, c’est de laisser le justiciable bilingue créolophone s’exprimer spontanément dans la langue qu’il veut. En outre, le tribunal en Guadeloupe est équipé en matière d’interprétation et de traduction du créole au français. Il y a là une injustice, et une inadaptation au contexte.

Nous ne pouvons qu’insister sur le fait que lors des derniers Etats Généraux des Langues de France, tenus à La Réunion du 25 au 28 octobre 2021, il a été demandé, à la quasi-unanimité des participants, que les tribunaux rendent systématique le recours aux traducteurs juridiques et donc que soit aménagée la formation poussée de professionnels à cette tâche, pour tous les justiciables qui en feraient la demande, leur laissant la liberté de s’exprimer dans leur langue usuelle. Il a été décidé que cette requête figurerait dans le document final récapitulant les desiderata des membres de ces Etats-Généraux de l’Outre-Mer. Face à une telle avancée lors de ces EG-OM, nous, en Guadeloupe, serions-nous en train de revenir aux décennies d’avant 2001, où le citoyen subissait la pression du monde de la profession pour avoir utilisé le créole à l’école ?

* Bilan des États généraux du multilinguisme dans les Outre-mer (culture.gouv.fr)

Kèk prèmyé moun i signé pou bay akò a-yo :

Premières signatures :