Karayib News
Konprann réyalité a Lakarayib pi byen, dévwè lanmè ka séparé sé lilèt la é diférans a lang, pèwmèt Karibéyen konswa yo ka viv adan on sèl é menm réjyon, mi sé avè lentansyon lasa Alexander (Bialler Media), Élora (USC), Sandrine (Wiinfluence) èvè Titun Aiye kréyé Karayib News.
Nou tini la vidéyo avè nouvèl a diféran téritwa a réjyon la sanblé. Kidonk, yo chak ka bay mo asi sa ka fèt adan plizyè koté a zòn la é anlè sa Karayibéyen ka kréyé lòtbò. Politik, kilti, aksyon pozitif a moun, tou sa adan pou fè pran konsyans a sa ka fè réyalité a sé téritwa lasa.
Adan sé jounal lasa, pawòl la an fransé é tini on chalviraj maké an anglé. Piplis, palé la fèt pou tout moun konprann. Jenn kon gran pé sizé é gadé pou dékouvè nouvèl yo ka bay. Kifè, Karibéyen kisiswa la yo ka viv pé aprann anlè sa ka fèt an réjyon a yo é pran sans a évolisyon ki tini la. Karayib News sé osi on bèl zouti pédagojik pou moun ki ni entérèsman an lang toupannan yo ka dévlopé konésans yo tini.
Sé vidéyo la anlè chenn YouTube a USC. Ja tini bon déotwa davwa sé on konsèp ki vwè jou ja ni on lanné. Alòs, pou sav plis asi jan lavi ka woulé adan Lakarayib, ou pé alè pran nouvèl avè vidéyo a Karayib News.
