Inner Everest, Titun Aiyé

Titun Aiyé sé on awtis ki ka woulé é pawòl. I ka maké é di tèks. Mé osi, I enmé mizik é vwayaj. Kifè, pannan tan i pasé lòtbò i pran plézi kréyé lis a son pou kouté. Sé té la on mannyè pou’y viv vi a’y é « fè tètkolé évè nanm a-y » kon li menm ka di. 

Asi X/Twitter, Titun Aiyé ka prézanté’y konsa : Saint-Denis, 93200 + Hip Hop + Afrocentricity = Nonm Gwadloup domestiqué aspirant sauvage ! Sé on jan pou fè konprann sa ki an kè a sa i ka fè.

Adan sé lis a son pou kouté la i fè la, Titun Aiyé kréyé Inner Everest. I lyanné vwa épi istil a mizik a diféran téritwa é an bout i trapé sa ki pou’y sé on zouti pou travay asi byennèt, pou bay on balan é pou kabéché titak.

Inner Everest sé 2 lis a son ki ja ni 7 lanné, kifè yo ka envité vwayajé adan tan é woudékouvè istil é richès a kréyasyon ki yo toujou byen vivan.

Kon Titun Aiyé ka di :« Inner Everest, sé pou fasadé évè vou menm a’w. On konsèy an pé ba’w : pa bliyé kouté’y évè ti bwason a’w ! »

Kouté diféran lis a son i fè anlè : https://www.mixcloud.com/lynxkoffishal/