Difé

Tini difé é difé.
Difé ki ka fè flanm, ki ka chofé, ka brilé, ka fè déga, ka pòté traka, ka mété’w anba anba !
Tini difé sòti anba lang a malpalan ki pé chouboulé’w lontan si ou pa pran balan pou rété doubout kout kè kout ;

Mé tini osi difé sakré, tala andidan a kè a’w,
tala ka lavé’w kon dlo a gran rivyè pou lésé chimen pwòp andidan a’w,
Kon sa limyè pé pasé é kléré lèspri a’w.
Difé lasa ka voyé’w monté !

Camille