Chak moun, chak définisyon a lavi !

“Lavi bèl”, “Lavi sé on fanm fòl”, “lavi rèd”, “sé konsa lavi yé”… Tini on pakèt dòt ti fraz moun ni labitid di asi lavi.

Pou mwen, lavi sé on métrès-fanm. Sé’y ka menné, sé’y ka désidé. Dépawfwa, i ka ba’w chans a’w pou ou fè sa ou vlé èvè’y. Si ou byen bat kat a’w ou pé woulé won, bay-adan, achté o fè kaz a’w, lévé timoun a’w é édé yo réyisi lékòl, édé tout fanmi a’w…

Dòt fwa osi, i ka ba’w gaz é touné’w alanvè, kifè ou pé touvé’w kon kalakrab. Ében, anfinaldèkont, adan lavi, ou pa ka toujou chwazi.

Lésansyèl sé adan lavi, fò ou “toujou maché dwèt” kon on nonm an ka rèspèkté, non savann a’y sé “Siwo”, toujou di.

Fi a Siwo
Latilyé maké ansanm, òktòb 2021